മുസ്ലീമുകള്‍ ഹിന്ദു സ്ത്രീകളെ കെണിയില്‍ പെടുത്തുന്നു; വിവാദ പരാമര്‍ശവുമായി രാജസ്ഥാനിലെ ബിജെപി എംഎല്‍എ

മുസ്ലീമുകള്‍ ഹിന്ദു സ്ത്രീകളെ കെണിയില്‍ പെടുത്തുന്നു; വിവാദ പരാമര്‍ശവുമായി രാജസ്ഥാനിലെ ബിജെപി എംഎല്‍എ

രാജസ്ഥാന്‍: മിയോ മുസ്ലീം സമുദായത്തിനെതിരെ വിവാദപരാമര്‍ശവുമായി ബിജെപി എംഎല്‍എ. അല്‍വാര്‍ അര്‍ബണിലെ ബിജെപി എംഎല്‍എ ബന്‍വാരി ലാല്‍ സിംഗാളാണ് വര്‍ഗീയപരമായ ആരോപണവുമായെത്തിയിരിക്കുന്നത്. ഒരു മാധ്യമത്തിന് നല്കിയ അഭിമുഖത്തിനിടെയായിരുന്നു സംഭവം.

മുസ്ലിം സമുദായക്കാര്‍ ക്രിമിനലുകളാണ്. അവരോട് താന്‍ ഒരിക്കലും വോട്ട് ചോദിച്ചിട്ടില്ല. അവര്‍ ഹിന്ദു സ്ത്രീകളെ കെണിയില്‍പ്പെടുത്തുന്നവരാണെന്നും സിംഗാള്‍ പറഞ്ഞു. രാജസ്ഥാന്‍, ഹരിയാന, ഉത്തര്‍ പ്രദേശ് എന്നീ സംസ്ഥാനങ്ങളിലുള്ള മിയോ വിഭാത്തില്‍പ്പെട്ടവര്‍ തീവ്രവാദികളാണെന്ന് പറഞ്ഞ സിംഗാള്‍, ഇക്കൂട്ടര്‍ ലവ് ജിഹാദിനായി പെണ്‍കുട്ടികളെ വശീകരിക്കുകയും സ്വത്ത് കൈക്കലാക്കുകയും ചെയ്യുന്നുണ്ടെന്നും കൂട്ടിച്ചേര്‍ത്തു. ഹിന്ദു കുടുംബങ്ങളോട് ഈ മുസ്ലീം സമുദായത്തില്‍പ്പെട്ടവര്‍ അടുപ്പം കാണിക്കുന്നുണ്ടെങ്കില്‍ അതിന്റെ ഉദ്ദേശം ഇത് തന്നെയാണ്. ലവ് ജിഹാദില്‍ അകപ്പെട്ട് അവരുടെ സമുദായത്തിലെത്തുന്ന ഹിന്ദു പെണ്‍കുട്ടികള്‍ നേരിടുന്നത് കടുത്ത അവഗണനയാണെന്നു പറഞ്ഞ അദ്ദേഹം താന്‍ പറുന്നത് അല്‍വാറിലെ മുസ്ലിം സമുദായക്കാരെ കുറിച്ച് മാത്രമാണെന്നും മുഴുവന്‍ മുസ്ലീം സമുദായത്തെ കുറിച്ചല്ലെന്നും കൂട്ടിച്ചേര്‍ത്തു.

Comments

comments

Categories: FK News
Tags: bjp mla